jannat ke pattay...[Leaves Of Paradise]

part 138

"Tum ne mera nashta bhi kha liya?

Hon! Us ne aram se sar hilaya. Tang par tang chadhaye woh tek lagakar maze se baithi thi. Jihan ne tasaffu se usay dekha.

Dada kehte the ke un ke zamanay mein biwiyan shohar ke aane se pehle khana nahi khati thi thi. Yeh tumhare dada kya Firawn ke zamanay ke thay? Woh munh bana kar boli. Abhi to guzra hai un ka zamanah. Abhi bhi wahi rawaj hain. Pata nahi buron ko kya new nostalgia hota hai ke shayad un ka zamanah zyada acha tha.

Us ki baat pe Jihan ne afsos se zara sa sar jhatka.

Acha suno! Mariam Khanam ke kitchen ke oopar wale cabinets mein se daien haath ki teesri cabinet kholo gi to wahan khanay peenay ki bohot si cheezein parri hongi. Kuch nikal lao mere liye.

Allah Allah! Jihan! Kal woh kisi ke baray mein keh rahi thi ke woh saadat mand ladka tha. Kabhi baghair poochay cheez nahi leta tha.

Main ne kab kaha ke baghair poochay lo.

Tum ne yeh bhi nahi kaha ke pooch kar lo.

Borec se ji nahi bhar ajo subha subha mera dimagh kharha rahi ho? Woh khufgi se kehta bath room chala gaya aur darwaza zor se band kiya. Us ke jane ke baad Haya ke labon pe muskurahat umad aayi. Saeed table ke parde ke peeche se ek dhaki hui plate nikali aur phir oopri plate utha kar Jihan ka borec dekha. Usay dobara dhaka aur samne mez pe rakkha. Phir apna purs uthaya. Andar se pain aur post it ka chhota pad nikala. Oopri page pe likha.

Tumhare dimagh se borec ka zaiqa bohot acha hai. Aur us note ko pad se phara aur phir oopri plate pe chhipka diya.

Chand lamhon baad woh kamray se bahar thi.

Kuch der baad Jihan neeche aya to woh dono farshi nishat wale kamray mein baithi thi. Usay dekh kar woh zara sa muskuraya.

Wohi apniyat bharhi muskurahat. Ghaliba borec usay mil gaya tha. Woh bhi jo abba muskurayi. Dono ne kaha kuch bhi nahi.

Phir woh thori der beth kar kisi kaam ka keh kar bahar nikal gaya.

Do dopahar mein Mariam Khanam jab kapray dhone ke liye sahn mein ayi to woh bhi apna abaya aur scarf le kar idhar hi a gayi. Abaya to woh adat ta roz hi dhouti thi Turki ho ya Pakistan. Hijab ka yeh matlab to nahi hota ke safai na rakhi jaye balke is ki safai ki zyada zaroorat hoti thi. Woh kabhi bhi geelay balon pe scarf nahi odhti thi aur bhale abaya

"Se kapray nah nazar aayen magar phir bhi woh astri shudah kapray pehnti aur baal theek se bana kar hi scarf leti thi.

Aunty kya aap ke paas aba ya lotion hai? Mera lotion khatam ho gaya hai.

Ittefaq se mere paas bhi nahin para hua. Tum shampoo daal lo woh bhi theek rahe ga.

Un ki hidayat ke mutabiq usne balti mein thora sa shampoo dala aur haath se mix kar diya. Mariam Khanam machine mein kapray daal rahi thi. Woh un ke paas akhri hui.

Aunty ek baat to batain.

Poocho! Unhon ne doraan masroofiyat poocha.

Jihan kehta hai ke Quran mein peheliyan hoti hain. Kya waqai aisa hota hai?

Dekho beta! Quran bizaat khud peheli nahin hai. Lekin us ke andar bohot sari nishaniyan hain. In logon ke liye jo ghor o fikar karte hain. Aur yeh to khud Quran bhi baar baar kehta hai. Haan! Tum keh sakti ho ke Quran mein bohot sari peheliyan hain.

Magar aunty! Quran Pak to aasan bana kar utara gaya hai na to phir kya zaroori hai ke hum us ki har pehli dhoondain?

Nahin! Quran aasan bana kar nahin utara gaya. Us mein ghor o fikar karna parta hai. Woh ab machine ka timer laga rahi thin.