ဒေါ်မြမြနှင်း ခေါင်းပေါ်မှခမောက်အား စားပွဲပေါ်တင်၍ ဦးချစ်ကိုငှဲ့ထားသော ရေနွေးကြမ်းခွက်အား ကောက်သောက်လိုက်လေသည်။အညာနွေက ညနေစောင်းထိ အရှိန်မသေသေး။ဒေါ်မြမြနှင်းနှင့်ဦးချစ်ကိုတို့အနောက်ဘက် ထနောင်းပင်ရွာမှ ပြန်လာခြင်းဖြစ်သည်။
အမျိုးသားချင်း ခိုးပြေးသည်ဆိုသော ရွှေကျီးသတင်းက ရွာနီးချုပ်စပ်တွင် နံမည်ကြီးလေသည်။
မျိုးတူခြင်းရည်ငံသည်မှာ မကြားဖူးသည်မဟုတ်သော်ငြား တရားဝင်လူသိရှင်ကြား ပေါင်းသင်းသည်မှာ မရှိခဲ့ဘူးသောကြောင့် ယခုကဲ့သို့ တရားဝင်လက်ဆက်ပေါင်းသင်းမည်ဆိုတော့ အထူးဆန်းဖြစ်ရလေသည်။
ရွှေကျီးမှာ အမေတစ်ခုသားတစ်ခု ဖြစ်သော်လည်း ရိုးသားကြိုးစားသောကြောင့် သမီးရှင်များ မျက်စိကျနေသူ ဖြစ်သည်။
သို့သော် သူကမူ မိမိနှင့်ကလေးကတည်းက ကစားဖော်ကစားဖက် ယောကျ်ားလေးတစ်ယောက်အား ချစ်ခင်နှစ်သက် ပါသတဲ့။
သံယောဇဥ်ပဲဆိုဆို မေတ္တာပဲပြောပြော သူတို့နှစ်ဦးကတော့ တစ်ဦးနှင့်တစ်ဦး တရားဝင်ပိုင်ဆိုင်ချင်သည်။
ဤသို့ဖြင့် ယခုအခြေအနေဖြစ်လာရခြင်း။မိဘများမှာလည်း ဖြစ်သမျှအကြောင်းအကောင်းဟုသာ သဘောထားလိုက်ရာ ယနေ့လက်ဆက်ပွဲပြုလုပ်ခြင်းပင်ဖြစ်သည်။
လက်ဆက်ပွဲဆိုရာ၌ အကြီးကျယ်မဟုတ်ဘဲ နှစ်ဖက်မိဘ နှင့် ရပ်ရွာလူကြီးအနည်းငယ် အပါအဝင် ဆွေမျိုးနီးစပ်များအား ဧည့်ခံကျွေးမွေးခြင်းဖြစ်၏။
ဒေါ်မြမြနှင်း တန်းလျား၌ဝင်ထိုင်ရင်း ဘေးဘီဝဲယာအားလှည့်ကြည့်လိုက်သေးသည်။ထို့နောက် ဘေး၌ထိုင်နေသူ ဦးချစ်ကိုအား လက်တို့၍
"ကိုကိုချစ် တော့်သားပြန်မရောက်သေးဘူးလား "
"သြော် နှင်းရယ် အခုမှ အတူတူပြန်လာတာကိုကွယ် ကိုကိုချစ်လည်းဘယ်သိမတုန်း နှင်းသားက ဘယ်နေ့တုန်းကများ အိမ်ကိုကပ်ဖူးလို့လဲ မသိရင်အိမ်စောင့်နတ်နဲ့ ရည်းစားလုဖက်အတိုင်းပဲ ပူမနေပါနဲ့ နှင်းသားက ကလေးမဟုတ်တော့ပါဘူး အချိန်တန်ပြန်လာမှာပေါ့ အိမ်ပြန်လမ်းတော့သိလောက်မှာပါ"
YOU ARE READING
သူကြီးသားကဆိုးလိုက်တာ(Complete )
Romanceတစ်ချို့လူတွေက ချစ်တဲ့သူပျော်ရွှင်ဖို့ဆိုတဲ့ အကြောင်းပြချက်နဲ့ ချစ်သူကိုစွန့်လွှတ်တတ်ကြတယ်တဲ့ ကျွန်တော်ကတော့ ချစ်ရတဲ့အစ်ကို့ကိုပျော်ရွှင်အောင်ထားနိုင်ဖို့ ပိုင်ဆိုင်ရမှကိုဖြစ်မှာပါ #ဘုန်းဋီကာမောင် ကိုယ်အမြဲပြုံးနေဖို့ဆိုရင် မင်းအမြဲပျော်နေဖို့ပဲ လိ...
